Gwen miduaw sa mga dapit nga gikuso-kuso ni Pablo

CEBU, Philippines - Gibisitahan  ni Governor  Gwendolyn  Garcia ang tulo sa pito ka mga lungsod nga grabing naapektohan sa bagyong Pablo sa habagatang  bahin  ning  lalawigan  sa miaging  Biyernes.

Ang maong  mga  lungsod  naglakip  sa Samboan, Santander ug Boljoon.

Gipangunayan sa gobernador ang pagpang-apod-apod sa mga relief goods  sama sa mga sinakong bugas, kinarton nga sardinas ug ingon   man mga instant noodles.

 Unang giduaw  sa gobernador  mao ang lungsod sa Samboan, gisunod ang Santander ug  dayon ang Boljoon

Si Governor Garcia   misaad ngadto sa mga biktima sa bagyo nga iyang hatagan og financial assistance ang  matag pamilya nga nabiktima sa bagyo aron dali ra sila  nga makatukod og balay.

Samtang misaad usab   ang  gobernador nga mohatag  siya og burial assistance  ngadto sa pamilya sa namatay sa bagyo human kini madat-ogi sa natumbang lubi.

Alang  sa gobernador   nga  ang  kagamhanan sa lalawigan  andam  sa tanang  higayon  sa paghatag  og  suporta niadtong  mabiktima  sa mga  katalagman. (BANAT NEWS)