CEBU, Philippines - Patay nang napalgan ug nagbitay sa pisi ang usa ka lalaki diha sa Barangay Mabolo dakbayan sa Sugbo, alas-8 Huwebes sa gabii. Ang lalaki mao si Christopher Caminade, 30, minyo ug nagpuyo sa #2127 Sitio Regla, Barangay Mabolo ning Dakbayan.
Matud pa sa kapolisan, si Elizarde Caminade ug ig-agaw sa namatay nga nahibulong siya nganong nagsiga pa ang suga sa kwarto ni Christopher hinungdan nga iya kining gisulod ug nakugang siya sa nakita nga nagbitay na ang ig-agaw ug patay na. Daling mitawag og tabang si Elizarde ngadto sa ilang uyuan ug gisuwayan pa sa pagluwas ni Elizarde ang ig-agaw ug giputol ang pisi niini apan patay na gyud kini.
Uwahing nakit-ang buhi si Christopher nga nakig-inom sa igsoong si Roger ug higala nga si Eduardo Ompoc. Walay nakitang timailhang may foul play sa kamatayon ni Christopher. (BANAT NEWS)