Kalidad sa Christmas décor pabantayan

CEBU, Philippines - Gipahugtan sa Department of Trade and Industry (DTI)7 ang ilang kampanya batok sa mga establisamento nga nagbaligya og mga depektosong christmas lights aron kaprotektahan ang  mamalitay ning  nagsingabot  nga  pasko

Busa  gisugyot  sa DTI  sa  mga mamalitay ang pagsuta una sa   kalidad  sa christmas lights una  nila kini  bayran.

Usa  sa mga timaan  nga  maayo  og  kalidad  ang  Christmas lights mao nang marka  niini  nga (PS) kon Product Standard  o kaha International Compliance Certificate (ICC).

Ang DTI-7 mipakusog sa ilang kampanya batok sa mga  dekorasyon alang  sa pasko  ilabi  na  ang  mga klase  nga de kuryente  aron  masiguro nga dili makasunog  sa pinuy-anan  sa mogamit  niini.

Nasayran  sumala  sa record  sa buhatan  sa kabomberohan  nga  sa panahon  sa pasko  daghan  kaayong  masunog  nga  mga  balay  gumikan  sa paggamit  og  mga Christmas décor  nga di maayo  og  kalidad.( /WC) (BANAT NEWS)