3 motor nagkarambola

CEBU, Philippines - Duha ka mga lalaki ang nangaangol usa niini negosyante ug anaa sa seryoso nga kahimtang human magkarambola ug dinasmagay ang tulo ka motorsiklo sa barangay Otso lungsod sa Tuburan niadtong alas 5:30 sa hapon. Ang mga naangol mao sila si Rino Tabotabo, 51, usa ka negosyante; Jessie Malinao, 45; ug Alvin Bato. Ang tulo pulos nagmaneho sa ilang tagsatagsa ka mga motorsiklo  nga matud pa ni PO2 Dexter Arapoc sa Tuburan Police Station nga nahinabi sa Banat News si Bato nagkarga og kahoy nga gibabag ang porma ug maoy nakasangit ni Tabotabo nga iyang gikasugat.Nawad-an og kontrol si Tabotabo ug nitipas sa pikas linya ug gikadinasmagay hinuon si Malinao. Si Tabotabo ug Malinao nalandig sa tambalanan samtang giimbestigar si Bato sa kapolisan bahin sa hitabo. (BANAT NEWS)