CEBU, Philippines - Swerte pa kay naluwas gikan sa tinong kamatayun ang manghud nga giunay og tigbas sa iyang maguwang nga iyang gikainom nga nisampot sa ilang lalis sa barangay Cayang sa dakbayan sa Bogo niadtong miaging alas 8:30 sa gabii. Ang biktima mao si Dannyboy Ylanan, 34, samtang ang suspek mao ang iyang maguwang nga si Anastacio Ylanan.Matud ni PO3 Ryan Alarde sa Bogo City Police Station dihang nahinabi sa Banat News nasamdan sa kamot ug liog ang biktima pagtigbas sa maguwang gamit ang pinote. Ang biktima gidala sa Verallo District Hospital samtang padayon pang gipangita ang suspek. (BANAT NEWS)