Mopahulay sa pag-arte
CEBU, Philippines — Temporaryong mopahulay sa pag-arte si Bela Padilla gumikan sa iyang tingoha nga magtukod og kaugalingong workshop o eskwelahan alang sa mga nangandoy nga mahimong scriptwriters .Imbes nga magpokus una sa pag-arte, mas gusto ni Bela nga ipaambit ang iyang mga nakat-onan sa industriya pinaagi sa mentorship program.
Dili madutlan
Dili magpadala sa mga negatibong komento ang singer nga si Chloe San Jose. Walay puas ang nadawat niya nga mga negatibong pulong sukad nahimong publiko ang ilang relasyon Olympic gold medalist nga si Carlos Yulo. Suma pa ni Chloe , dili igo ang mga pagsaway aron madaot ang iyang kalipay ug personal nga kinabuhi.
Chemistry nabatyagan
Mikulit og kilig sa ilang fans ang chemistry sa maghigala nga sila KD Estrada ug Atasha Muhlach. Padayon silang gitupo sa ilang followers .Mas misamot ang paglaom sa ilang fans human miangkon si Atasha nga wala pa siya’y uyab . Nakaingon ang ilang supporters nga dunay dakong tsansa nga magkadayon ang duha .
Kathryn, gidayeg tungod sa ‘rain scene’
Dugang bug-at nga eksena ang gisagobang sa Asia’s Superstar Kathryn Bernardo sa teleseryeng “Someone, Someday,” ilabina ang “rain scene” nga gibahaan og mga pagdayeg gikan sa viewers .
Gidayeg ang pagpakita ni Kathryn sa emosyonal nga pagkahugno sa iyang karakter nga si Billy sa maong eksena. Sa ilawom sa kusog nga ulan, mihilak pag-ayo si Billy hangtod nga miluhod kini aron mangayo og pasaylo sa karakter ni James Reid.
Pipila ka viewers ang nitawag sa performance ni Kathryn nga usa ka “acting masterclass,” tungod sa ka lapad sa emosyon nga iyang gipakita.
Misamot ang tensiyon ug emosyon sa serye samtang nagkaduol kini sa kataposang duha ka semana niini sa ere.
Naa na sa Netflix ang episode 82 sa “Someone, Someday.” Makita usab kini matag Lunes hangtod Biyernes, alas 8:45 sa gabii, sa ALLTV2, TV5, A2Z, Kapamilya Channel, Kapamilya Online Live sa YouTube ug Facebook, ug TFC.
- Latest

















