Joy mibiya sa ‘Dogshow Divas’

CEBU, Philippines — Mipahibalo si Miss Earth Philippines 2025  Joy Barcoma nga mopahuway na siya isip guest host sa podcast nga “Dogshow Divas.”

Sa iyang Facebook post, nagkanayon ang beauty  queen nga  nasayod  siya sa mga komento  nga gibato kaniya.

Wala hinoun niya gidetalye kun unsa kini nga mga komento .

Nagpasalamat siya sa tanan nga nisuporta kaniya , apan sa pagkakaron, iyang gipili nga unahon ang pagpanalipod sa iyang kalinaw ug kaayohan.

Malipayon ang love life 

Malipayon  ang 55 anyos nga aktres nga si Keanna Reeves sa  relasyon nila  sa 27 anyos nga si Scott Lomboy. Duha ka tuig na ang ilang relasyon. Alang kang Keanna, ang gugma niya kang Scott kay dili mahupas  .  Wala usab sila naapektohan sa ilang age gap .

Suportado sa asawa

Walay pagsupak si  Isabel Oli sa reunion project sa  iyang bana nga si John Prats ug sa kanhi hinigugma niini nga si Heart Evangelista.Alang kang Isabel, importante ang pagsalig ug pagsuporta sa career sa iyang bana.

Wala magkadayon

Gikatahong gi-ghost diay ni Ryan Bang si Yeng Constantino niadtong 2010 tungod kay dili  pa siya andam sa maong panahon, ilabina sa iyang financial status .Wala masayod si Ryan niadtong higayona  nga gusto usab diay siya sa singer.