Vice ug Heart, wala magtagad?

CEBU, Philippines — Nitumaw karon ang hungihong nga matud pa nag-isnabanay sila  Vice Ganda ug Heart Evangelista atol sa concert ni Yeng Constantino sa niaging gabii.

Gikatahong dunay mga nakabantay nga nakigbeso-beso si Vice sa pipila ka mga tawo nga duol sa iyang nahimutangan .

Bisan pa og nagkaabot ang ilang mga mata ni Heart, wala sila magatagad .

Pabilin nga tak-om ang duha ka kampo kalabot sa maong isyu.

Tungod niini , nabanhaw ang  isyu kaniadto diin  nahisgutan ni Vice sa “It’s Showtime” ang iyang pagbisita sa usa ka lugar sa Sorsogon, nga probinsiya nga konektado kang Heart.

Niadtong higayona, nahisgutan ni Vice nga nakabisita siya sa usa ka eskuwelahan sa maong dapit  nga kulang sa reading materials ug iyang gitabangan pinaagi sa pagpahimo o pagpaayo sa eskuwelahan.

Shuvee naghudyaka pagkakita sa concert ni Bruno

Nagmaya ang Cebuana Kapuso actress nga si Shuvee Etrata human niya nasinati ang iyang unang pagsaksi sa usa ka  international concert didto sa New Jersey.

Nitikang ang aktres sa  MetLife Stadium diin nitan -aw siya sa  “The Romantic Tour” concert ni Bruno Mars.

Gipabuhagay sa aktres ang iyang kalipay ug gitawag niya kini og  “first ever international concert.”