We do not yield–Marcos

CEBU, Philippines — Gisaad ni Presidente Ferdinand Marcos Jr. nga magpadayun ang Pilipinas sa pagpatigbabaw ug pakigbisog sa 2016 arbitral award, pinaagi sa tanang malinawon ug legal nga pamaagi para depensahan ang katungod sa nasud sa West Philippine Sea.

Sa iyang ikalimang State of the Nation Address (SONA), miingon si Marcos nga ang ruling usa ka "final and binding," ug dili kini talikdan o ipadaplin lang sa Pilipinas.

Gidayeg sab niya ang Armed Forces, Coast Guard ug ang mga mananagat kay sila maoy pirmeng naa sa unahan pagpanalipod sa atong kadagatan.

Gilabtikan sab sa presidente ang pagpanghulga sa dignidad sa nasud, kay hasta ang pagkatawo sa mga Pilipino gikwestyon. Iyang gipaabot sa mga kahigalaan ug sa mga nangdaut sa mga Pilipino nga ang mga Filipinos "a noble, kind, gracious and great race."

"We are not greedy. We are not racists. We are not liars," nga miani og standing ovation sa mga nitambong sa SONA.

"We are respectful, and we are dignified. We are Filipinos, and we do not yield," dugang pa niya.

Ang gipasabot sa presidente mao ang padayung pagpamugos sa China sa pag-ilog sa West Philippine Sea gikan sa Pilipinas.

Karong bulana, Hulyo, giselebrar sa nasud ang ika-10 nga anibersaryo sa 2016 Hague arbitral ruling  uban sa joint statement sa 13 ka mga nasud nga napun-an pa gyud ngadto na sa 40 ka nasud nga niila sa maong award isip legally binding.