Napalgang putol nga ulo ipa DNA test
CEBU, Philippines — Patay’ng lawas nga nabuwag na ang ulo gikuhaan og DNA specimen para ipaubs og DNA test alang sa posibleng pag-ila kaniya kun dunay mga tawong nangita kaniya.
Sumala pa sa Talisay City Police Station, ang DNA examination ang pinaka-kasaligang pamaagi aron pag-ila sa tawo.
Ang maong naputol nga ulo nakit-an sa Barangay Cansojong, Talisay City, iya ba nga gituohang iya sa usa ka 48-anyos nga babaye nga gitaho nga nawala.
Ang maong kalamboan mitungha human ang pamilya ni Pilar Basilio, nailhan usab nga Katha Saavedra, mipasumite og swab samples sa PNP Forensic Unit 7 alang sa DNA comparison.
Matud sa imbestigasyon, si Basilio, usa ka live-in caregiver sa Barangay San Isidro, Talisay City, katapusang nakigkontak sa iyang pamilya niadtong Hulyo 4.
Sa pag-adto sa iyang mga paryente sa balay sa iyang amo niadtong Hulyo 8, giingnan sila nga duha na ka adlaw kining nawala ug na- report na kini sa kapulisan.
Human makadungog sa balita bahin sa naputol nga ulo nga nakit-an daplin sa Dawis Road sa Barangay Cansojong, midangop ang pamilya ni Basilio sa Talisay City Police Station ug boluntaryong nagpahigayon sa DNA sample collection.
Gipasabot sa kapulisan nga dili pa gyud sila makaingon kun ang maong ulo iya sa na missing nga caregiver hangtud nga dunay forensic examination ug DNA analysis nga motakdo sa mga sample nga gihatag sa mga kabanay/
Gipadayon usab sa mga imbestigador ang pagkuha og dugang ebidensya aron mailhan ang biktima ug masuta ang nahitabo ug kun kinsa ang nagpasipala sa biktima. IBM BANAT NEWS
- Latest
