Death threats maoy unang gituki sa impeachment trial ni Duterte
CEBU, Philippines — Ni-resume kagahapon ang Senado alang sa impeachment trial batok kang Bise Presidente Sara Duterte kinsa ang mga senador naglingkod isip judges kalabot sa upat ka articles nga gilangkuban sa confidential funds, unexplained wealth, korupsiyon ug pagpanghulga batok sa mga lider sa gobiyerno.
Kagahapon unang gituki ang fourth article kinsa si Duterte gipasanginlang nanghulga batok kang Presidente Ferdinand Marcos, Jr. ug sa pamilya niini.
Si NBI Agent John Mark Calilung nikompirma nga gipatawag nila ang mga sakop sa media kinsa nitambong sa virtual press briefing ni Durterte niadtong Nobiyembre 2024 nga gilangkuban nila ni kanhi Inquirer reporter Dempsey Reyes ug kanhi Rappler Reporter Bonz Magsambol kinsa ang duha parehong mga nag-cover sa Office of the Vice President (OVP) niadtong mga panahona.
Si Culilung nikompirma nga sa iyang pagpangutana kang Reyes ug Magsambol uban sa ilang gipirmahan nga affidavit nipamatuod kini nga nakadungog sila nga si Duterte nisulti og “patyon” atol sa Zoom press conference.
Giklaro ni Senador Risa Hontiveros nga ang iyang pangutana naghisgot kon nganong importante sa mga proseso ang mga ebidensiya partikular na ang mga video sa mga pamahayag ni Duterte batok sa presidente niadtong 2024.
"My intention was not to provoke a closing statement", dugang ni Hontiveros. Si Senador Francis “Chiz” Escudero, presiding officer sa Senado sa Senate impeachment court sa trial ni Duterte nigama og ruling. Human sa pangutana ni Hontiveros, matud ni Escudero nagsilbi na kini nga summary sa proceedings, kinahanglan nga magpabilin nga patas ang korte ug hatagan og higayon ang depensa pagpasabot nga ang mga pamahayag ni Duterte dili impeachable offense.
Gitumbok ni Hontiveros nga ang mga pahayag ni Duterte mismo dili konkretong ebidensiya nga nagkontrata kini og assassin.
Gipangutana ni Hontiveros ang prosekusyon kong ang mga pamahayag ug sulti ni Duterte maisip ba nga basehan alang sa impeachment. Gikan sa PhilStar/BDB BANAT NEWS
- Latest
