Impeachment trial vs VP Duterte sugdan na

CEBU, Philippines — Pormal nga sugdan unya sa alas-2 sa hapon karong adlawa, Hulyo 6 ang impeachment trial batok kang Vice President Sara Duterte. Ang Senado maoy magsilbing hukmanan sa kaso batok sa bise presidente.

Niadtong adlaw nga Sabado, ang House prosecutors nideklarar nga "100 percent ready" para i- presenter ang ilang kaso ug gitawag nila ning adlawa nga “first day toward the truth” diin ang paglantugi sa politika mailisan na og lantugi base sa mga bug-at nga ebidensiya.

Samtang gapaabot ang publiko nga dunay mainitong unyang lantugi , ang tigpamaba sa House prosecution nga si Lanao del Sur Rep. Zia Alonto Adiong niklaro nga karong adlawa mopokus tanan legal formalities ug mga resolusyon sa mga wala natiwas og tuki atol sa pre-trial conference. Ang duha ka habig mohatag sa ilang mga opening statements bahin sa kaso, ug ang Senado mohukom upat ka mga kritikal nga mosyon sa House panel.

Apil ani nga tugotan ang public ug private prosecutors para ma- examine ang mga testigos, pormal nga paggamit pareho og English ug Filipino, pag-abli sa Bureau of Internal Revenue (BIR) box nga gisudlan sa mga tax records nga konektado sa mga alegasyon bahin sa dili maesplikar nga bahandi.

Sunod ani, mo-move ang prosekusyon para ipresentar ang ilang mga testigo ugma Hulyo 7, tutukan ang Article IV of the Articles of Impeachment. Si Duterte giakusahan nga nakahimo og culpable violation sa Constitution tungod sa iyang grave threats batok ni Presidente Ferdinand Marcos Jr., First Lady Liza Araneta-Marcos ug kanhi peaker Martin Romualdez.

Apil sab ang may kalabotan sa P612.5 million confidential funds, bribery diha sa Department of Education. — /IBM (BANAT NEWS)