SSS nagsugod na paghatag sa 2026 pension hike

CEBU, Philippines — Ang Social Security System (SSS) nagsugod na sa pagpatuman sa ikaduhang tranche sa Pension Reform Program (PRP) alang sa 4.1 ka milyong pensioner, nga gipauna ang orihinal nga naka-schedule nga September nga pagtaas sa pensyon aron makahatag og mas sayong pinansyal nga tabang sa mga SSS pensioner.

Si Finance Secretary ug Social Security Commission (SSC) Chair Frederick D. Go ug SSS President ug Chief Executive Officer Social Security System Robert Joseph M. de Claro miingon nga ang ahensya magpagawas og P6 bilyon nga dugang benepisyo sa pensyon gikan Hunyo hangtod Agosto 2026 aron matabangan ang mga pensioner sa ilang galastuhan.

Gipatin-aw niya nga ang mga SSS pensioner nga naa sa talaan as of Mayo 31, 2026, mahimong makadawat sa umento sa pensyon sugod Hunyo 1, 2026, samtang kadtong ang ilang contingencies mahitabo gikan Hunyo 1 hangtod Agosto 31, 2026, makadawat sa ilang dugang pensyon sugod Septiyembre 1, 2026.

Ubos sa ikaduhang tranche sa PRP, ang retirement ug disability pensioners makadawat og 10% nga pagtaas sa ilang pension matag buwan, samtang ang death ug survivor pensioners makadawat og 5% nga pagtaas.

Ang PRP mao ang unang multi-year pension increase sa kasaysayan sa SSS. Ubos niini nga programa, ang mga pensioner makadawat og tinuig nga pagtaas sa ilang pensyon matag September gikan 2025 hangtod 2027. (BANAT NEWS)