Mga bag-ong kawani sa CCMC gi-orient

CEBU, Philippines — Gisugdan ang duha ka adlaw nga pag abi-abi sa 29 ka bag-o nga empleyado sa Cebu City Medical Center (CCMC), kagahapon Mayo 26, 2026.

Gipahigayon ang New Employee Orientation alang sa nagkadaiya nga medical specialist sama sa doctors, nurses, social workers, radiologic technologists, physical therapist, pharmacist, ug administrative personnel.

Atol sa unang adlaw sa orientasyon, gipahibalo sa mga bag-ong trabahante ang history sa CCMC, mga palisiya, misyon, bisyon, kinauyokang values, ug mga sumbanan nga serbisyo sa ospital.

Lakip ang interactive customer service nga aktibidad aron mapalig-on ang importansya sa masakiton ug focus sa pag-atiman sa mga pasyente.

Sa ikaduhang adlaw, gikatakdang mopresentar ang tanang departamento sa CCMC sa ilang mga katungdanan ug mga pamaagi aron mas masabtan sa mga bag-ong empleyado ang operasyon sa ospital, mga referral pathways sa pasyente, ug ang maayong koordinasyon sa nagkalain-laing departamento. — Rachel E. Wenceslao CNU BAComm-Journalism intern/MEL BANAT NEWS