Nihigda sa dalan tungod sa utang

CEBU, Philippines — Tungod sa iyang utang sa casino, usa ka 31-anyos nga babayeng hubog ang nihigda sa tunga sa B. Rodriguez Street niadtong Martes sa buntag, Mayo 19, 2026 sa miaging gabii.

Ang babaye nga taga Talisay City naka- stiletto ug nagdala og shoulder bag gikatahong sakay og taksi apan pag-abot sa maong dapit nikanaog ug nihigda tunga-tunga sa taytayan.

Sumala sa taxi driver nga iyang gisakyan nga si “Lester” gikan ang maong babaye sa usa ka disco club sa Barangay Kasambagan sa Cebu City ug nagpahatud padung sa Bayanihan, Basak, Cebu City.

Matud pa niya, samtang naa sa taksi nadunggan niya ang babaye nga nagsige og hilak ug nitug-an kini nga naa siyay utang nga P63,000 sa casino ug nahadlok siya nga mapriso.

“Magpakamatay kuno siya, ana ko kung magpakamatay ka ayaw’g ambak diri sa akong taxi kay maamong ko nimo,” matud pa ni Lester.

Tungod sa kahadlok sa drayber iyaha nalang kining gipakanaog sa B. Rodriguez area.  Pero nakita niya ang babaye nga misuway og saka sa usa sa mga paril sa mga balay sa maong dapit. Nangita og pulis ang drayber apan wala siyay nakit-an maong nibalik siya sa taytayan diin niya gibilin ang babaye, ug didto nakit-an nalang niya nga niligid na ni og higda sa tunga sa dalan.

Dunay nangabot nga traffic enforcer ug ambulansya  ug gidala ang babaye sa  Cebu City Medical Center (CCMC) mga alas 6:00 sa buntag.

Giingon nga hubog kaayo ang babaye ug nakatog sa kalsad,  nakaangkon usab siya og samad sa hawak.

Matod sa inahan sa babaye nga nakahinabi sa Banat News miingon nga  nagtrabaho sa maong club ang iyang anak.— IBM BANAT NEWS