Lihok protesta ilusad batok fuel hikes, jeepney phaseout

CEBU, Philippines — Ilusad sa PISTON Cebu ang protest Monday batok sa pagsaka sa presyo sa lana ug nanawagan sa mga drivers ug operators nga mosalmot sa picket demonstration diha sa opisina sa Land Transportation Franchising and Regulatory Board (LTFRB) sa dakbayan sa Sugbo.

Lakip sa ilang reklamo mao ang padayon pagsaka sa presyo sa lana, kakuwang sa ayuda sa gobyerno ug ang hulga kabahin sa jeepney phaseout.

Sa usa ka statement nga ilang gipagawas kagahapon, Mayo 12, ang grupo sa transportasyon pabilin nga wa makontento bisan pa sa nahitabong fuel price rollbacks, tungod kay matud pa padayon nga dili stable ang presyo sa diesel ug gasoline. “Wala pa matapos ang away. Wa ta makontento sa usbaw-us-us nga estilo aron ipakita nga mius-os ang presyo sa lana,” suma ni PISTON president Greg Perez.

Suma pa ni Perez nga ang oil price movements naghatag lang og impression of relief samtang ang transport workers padayon nga naglisud.

Gisaway usab ni Perez ang giingong kapakyas sa gobyerno sa paghatag og igo nga ayuda sa mga drivers nga naapektuhan sa pagsaka sa presyo sa lana.

Nabalaka usab ang mga transport group kabahin sa padayon nga implementasyon sa gobyerno sa public transport modernization ingon man sa jeepney phaseout program.

Dugang pa sa PISTON Cebu, ang mga buses ug minibuses nga gi-operate sa Ceres Transport nagsugod na sa pagpasud sa traditional jeepney routes pinaagi sa provisional authorities nga giingong gi-isyu sa LTFRB. Gikan sa The Freeman/MEL BANAT NEWS