Botar base sa konsensiya

CEBU, Philippines — Giawhag ni Cebu Archbishop Alberto Uy ang mga Katolikong magbabalaod nga trataron ang ilang desisyon bahin sa impeachment ni Vice President Sara Duterte nga dunay moral nga kaakohan, pag-ampo ug konsiyensiya, ug dili nila dapat kalimtan nga ang panerbisyo sa publiko dili lamang usa ka political duty kondili tulobagon ngadto sa Kahitas-an ug sa katawhan.

Sa gipagawas niya nga pastoral guide nga giulohan og “A Pastoral Guide for Lawmakers on the Question of Impeachment,”gipahinumdoman sa Arsobispo ang mga public officials nga kaning impeachment dili dapat trataron nga political strategy, personal loyalty, o partisan interest.

“It is a serious matter that touches on truth, justice, accountability, and the common good,” matud pa ni Uy.

Kinahanglan matud pa sa mga magbabalaod nga pamalandongan og maayo inabagan sa pag-ampo ang ilang mga konsensiya una pa sila modesisyon sa botohay sa impeachment karong adlawa diha sa Plenaryo.

“The first question should not be: ‘Will this help my political future?’ but rather: ‘What is true, just, and beneficial for the nation?’” matud pa niya.

Iyaha sab gibutyag nga ang pagtuman sa constitutional process kung duna gyuy paigong legal nga mga basihan, dili dapat isipon nga otomatiko na nga sad-an ang akusado, kondili, paghatag ni og kahigayonan para mogawas ang kamatuoran ug makita sa tanan.

Gipasidan-an sab niya ang mga opisyales sa gobiyerno batok anang paghimo og mga desisyon tungod lang sa ilang kasuko, blind loyalty, nahadlok, political pressure, o personal nila nga ambisyon.

“Decisions that affect the nation must be guided not by political convenience but by moral integrity…Leadership sometimes requires the courage to stand for what is right even when it is difficult or unpopular,” dugang pa ni Uy.

Iyaha sab nga gilakbit ang pagpahinumdom kanila ang nasuwat sa Bibliya nga Mark 8:36: “What profit is there for one to gain the whole world and forfeit his soul?” — /IBM (BANAT NEWS)