^

Banat Balita

Public Financial Management team giumol sa Probinsiya

Banat

CEBU, Philippines — Gimugna sa Cebu Provincial Government ang Public Financial Management (PFM) Team nga gitumong aron palig-onon ang fiscal discipline, transparency, ug accountability sa operasyon sa gobyerno.

Si Governor Pamela Baricuatro miisyu sa Executive Order No. 25, Series of 2026, nga nag umol sa team isip primary body sa probinsiya nga tahasan kabahin sa reporma sa financial management.

Ubos sa kamanduan, ang PFM Team maoy motan-aw sa planning, implementation, monitoring, ug evaluation sa mga fiscal reforms sa mga buhatan sa Kapitolyo.

Gihimo ang maong lakang sa tinguha nga magsubay ang probinsiya sa national standards kabahin sa budgeting, reporting, ug financial governance.

Nakalatid usab kini sa direktiba gikan sa Department of Budget and Management (DBM), ilabi na kabahin sa Public Financial Management Reforms Roadmap sa 2024 ngadto sa 2028.

Ang bag-o nga giporma nga team panguluhan ni Assistant Provincial Administrator Aldwin Joseph A. Empaces isip chairperson.

Ang mga miyembro langkuban sa mga representante gikan sa Provincial Treasurer’s Office (PTO), Provincial Budget Office (PBO), Provincial Accounting Office (PAO), Provincial Planning and Development Office (PPDO), ug Provincial Administrator’s Office (PAO)

Ang Provincial Budget Office maoy magsilbing secretariat, nga maghatag og administrative ug technical support ngadto sa team.

Si Provincial Administrator Atty. Ace Durano miingon nga ang pag-umol sa team makahatag og sulbad sa dugay na nga problema sa national reporting requirements. — MEL (BANAT NEWS)

PUBLIC FINANCIAL MANAGEMENT

  • Latest
Latest
Latest
abtest
Recommended
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with