Kanhi brodkaster Jay Sonza gidakop
CEBU, Philippines — Kanhi brodkaster nga si Jay Sonza gidakop sa mga sakop sa National Bureau of Investigation niadtong Huwebes sa gabii Abril 30, sa iyang panimalay sa Quezon City tungod sa alegasyong paghimo-himo og pekeng medical information bahin ni Presidente Ferdinand Marcos Jr.
Ang mga operatiba sa Organized Crime Division, Cybercrime Division, and Technical Intelligence Division maoy nidakop kang Sonza pinasikad sa warrant of arrest nga giisyu sa Pasay City Regional Trial Court Branch 118.
Sonza gikasohan og unlawful use of means of publication and unlawful utterances ubos Article 154 sa Revised Penal Code, ug Cybercrime Prevention Act of 2012.
Matud pa sa korte walay piyansa ang maong kaso , hinungdan nga gisupak kini dayun sa kampo ni Sonza. Si Atty. Mark Tolentino, miingon nga ang mga kaso walay silot nga pagpabilanggo tibuok kinabuhi o reclusion perpetua mao nga dapat makapiyansa unta ubos sa Constitution.
Sonza mismo miingon andam na gyud unta siyang mopiyansa anang adlawa apan walay warrant nga giisyu unya karon nakurat siya nganong dili pwedeng mopiyansa. Gipaabot siyang ipresentar sa korte karong Mayo 4.
Ang kaso nagsugod pinaagi sa cyber-surveillance operations sa NBI niadtong Enero 2026, nga diin niila kang Sonza nga usa sa giingong nipakatap og mga dili beripikado ug misleading medical information bahin sa presidente.
Ang giingong posts nagpakita og giingong CT scan report ug statements nga nag-ingong nagkahugno na ang panglawas ni Marcos nga gipasa-pasa pud diha sa social media.
Mismo ang St. Luke's Medical Center nihimakak sa maong dokumento niadtong Enero 28 ug gitawag kining fake ug fabricated, ug ang Presidential Communications Office miingon nga ang resulta dili mao ang tinuod nga kahimtang sa panglawas sa presidente.
"Despite the deletion or restriction of original posts, the NBI preserved the evidence through digital forensic methods, including authenticated screenshots and tracking of reposted content," sumala pa sa NBI.
Sa imaging 2023, nadakpan sab si Sonza sa Syndicated Estafa ug large-scale illegal recruitment. — Gikan sa Philstar.com/IBM BANAT NEWS
- Latest
