^

Banat Balita

JVA sa Cebu City og Megawide magpadayon

Preciosa L. Bacalso - Banat

CEBU, Philippines — Magpadayon ang Joint Venture Agreement tali sa kagamhanan sa Dakbayan sa Sugbo ug Megawide Construction Corporation human nga nibalibad ang Regional Trial Court (RTC) Branch 16 sa hangyo alang sa Temporary Restraining Order (TRO) ug Writ of Preliminary Injunction aron nga hunongon ang redevelopment sa Carbon Public Market.

Base sa resolusyon nga gipagawas niadtong Abril 23, 2026 nakita sa korte nga kulang sa lig-on nga basehan ang petisyon sa Carbohanong Alyansa alang sa Reporma ug Bahandianong Ogma sa mga Nanginabuhi (CARBON) ug uban pa’ng nagreklamo aron pugngan ang proyekto samtang padayon pa ang kaso.

Matud sa korte nga napakyas ang mga nipetisyon sa pagpakita og klaro ug dili malalis nga katungod nga kalapasan nga usa sa mga batakang rekisitos aron mahatagan og injunctive relief ubos sa Rules of Court. Gitumbok usab nga walay igo nga ebidensiya nga adunay actual o nagkaduol nga ilegal nga pagpahawa sa mga manindahay.

Giklaro sa korte nga ang proyekto adunay mga hugna sa pagpatuman sa maong proyekto (phased implementation) diin ang mga manindahay inanay nga gibalhin ug gipahiluna sa interim nga merkado o gitugotang magpadayon sa ilang pwesto hangtud maapektohan sa construction.Ug tungod niini, wala makita sa korte ang material ug substantial nga paglapas sa katungod sa mga nagreklamo. Ang proyekto gilangkuban sa pito hangtud walo ka ektarya sa Barangay Ermita lakip na ang Freedom Park, Warwick Barracks, ug pipila ka mga unit sa Carbon Market.

Ang korte nagkanayon nga ang giangkon nga kadaot sama sa temporaryong pagbalhin, posibleng pagtaas sa gasto, ug pagbalda sa negosyo dili kini ikonsidera nga irreparable injury.

Gisalikway usab sa korte ang argumento nga walay lain nga paagi aron mapanalipdan ang interest sa mga petitioner tungod kay nagpadayon pa ang main case nga naghangyo sa pag-nullify sa JVA diin mahimo nilang mapadayag ang tanang ebidensiya ug argumento. Ug gumikan sa kakulang sa lig-on nga basehan, klarong katungod, ug ebidensiya sa dili mabayran nga kadaot opisyal nga gibalibaran sa korte ang aplikasyon alang sa TRO ug writ of preliminary injunction.

Padayon nga dunggon sa korte ang kaso aron husayon ang legalidad sa kasabotan. Gitakda ang pre-trial conference sa Hunyo 24, 2026 sa alas 2:00 sa hapon. — BDB BANAT NEWS

MEGAWIDE CONSTRUCTION CORPORATION

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with