5th leg sa Frasco Cup kasado na
CEBU, Philippines — Andam na ang tanan alang sa 5th leg sa Cong. Duke Frasco Cup 2026 men's basketball ug women's volleyball tournaments nga gikatakdang mosikad karong Mayo 30 didto sa Compostela Sports Complex.
Ang grassroots sports development program sa ikalimang distrito sa Sugbo abli sa tanang mga atleta gikan sa mga lungsod sa Borbon, Carmen, Catmon, Danao, Compostela, Liloan, Pilar, Poro, San Francisco, Sogod, ug Tudela.
“Our goal ever since the start was to create a united and prosperous basketball and volleyball community for the 5th District,” matud pa ni Kath Jumapao, konsehal sa Liloan nga usa sa mga nagpasiugda ning mahinungdanong inisyatiba.
Si Jumapao giabagan nilang Ian Callet sa Indie Sports ug Jover Pisao sa pagpadagan ning kaluha nga kalihukan.
“We have seen a lot of our athletes competing in the national stage already, and we are very happy and proud to say that this tournament may somehow be a stepping stone for the locals,” dason pa ni Callet.
“The clamor for it to happen again is massive since it did not only help the respective municipalities sports-tourism-wise, but it also gave some of the athletes a way to be seen by prospects from different universities across the Philippines,” paambit pa ni Pisao.
Ang mga kampiyon sa basketball ug volleyball parehong mobulsa og P150,000 samtang ang first runner-up mokubra og P100,000. Ang mopahiluna sa ikatulo ug ikaupat nga dapit makadawat og P75,000 ug P30,000.
Ang Sidlak Danao maoy defending champion sa basketball samtang ang Catmon Mighty Bakers naglaraw og sagunson og korona sa volleyball.
- Latest
