Mga polis nagtuon pagluto og cakes

CEBU, Philippines — Mga sakop sa Mandaue City Police Office (MCPO) ni-time out lang makadiyot sa ilang mga posas ug armas aron makat-on kun unsaon pagluto og pan.

Ang maong 25 ka mga polis nipaubos sa Bread and Baking Production training program nga gitanyag Technical Education and Skills Development Authority (TESDA) nga gipahigayon diha sa Opao Barangay Hall. Sa ikatulong sesyon nila kagahapon, April 21, 2026 gitudloan sila kun unsaon pagluto og chocolate cakes ug butter cookies.

Ang programa dunay 18 ka sesyon ug kadtong makalahutay sa traiing mahatagan og National Certificate II (NCII)  gikan sa TESDA.

Ang kasagarang nga niapil niini mao ang mga police community relations officers aron mapaambit sab nila sa mga komunidad.

Ang maong training gisuportahan ni Congresswoman Emmarie “Lolypop” Ouano-Dizon uban sa TMJ Technology Skills Training Institute ug Assessment Center Inc.  Isip accredited training provider. Si MCPO City Director Police Colonel Cirilo Acosta Jr.,  miingon nga  kaning maong training makahatag og bag-ong skills para sa mga polis.— Gikan sa The Freeman/IBM BANAT NEWS