Haze pabiling nasinate sa Metro Cebu
CEBU, Philippines — Padayon nga nasinate sa Metro Cebu ang haze kagahapon Abril 18 diin nagpasabot nga dili na healthy ang hangin nga mahanggap sa tawo ilabi na niadtong mga sensitibo nga grupo.
Base sa data nga gipagawas sa Environmental Management Bureau (EMB) sa Central Visayas, miabot sa PM2.5, o fine inhalable particles ang masud sa baga diin dunay Air Quality Index (AQI) nga 112 hangtud alas 8 sa buntag kagahapon, Abril 18, nga mas taas sa AQI reading nga 101 nga na record niadtong miaging adlaw. Ang Metro Cebu gipaubos sa “Unhealthy for Sensitive Groups” category.
Subay niini nipahimangno ang EMB-7 sa publiko ilabi na sa mga bata, mga mabdos ug senior citizens ingon man kadtong dunay asthma ug dunay gihambin nga sakit sa kasing kasing nga maoy daku og risgo.
Suma ni Engr. Arthur Niño Calupig, usa ka air quality monitoring personnel ug experto nga nagpadayon ang ilang monitoring ug dili pa masiguro kun hangtud kanus-a magpadayon ang maong kondisyon.
“We are continuously monitoring, particularly PM10 and PM2.5. We will give further updates once we receive new data,” suma ni Calupig.
Karon nga pabilin nga nasinate ang haze sa Metro Cebu, ang EMB-Central Visayas nidasig sa mga vulnerable sectors nga likayan ang kanunay nga paggawas ug kinahanglan nga magsul ob og N95.
Samtang giklaro usab ni Calupig nga dili pa masuta sa ilang buhatan kun may kalabutan ba ang volcanic activity sa Kanlaon Volcano sa nasinate nga haze sa Metro Cebu.
“Actually dili gyud ta directly makaingon kay we go in to forensics gyud para maka ingon ta. Dapat mapa analyze nato first,” dugang pa niya.
Una niini gipadayag ni Calupig nga dili usab angayan nga ibaliwala ang gigikanan sa polusyon ilabi na ang emissions gikan sa mga sakyanan ug dagkung industriya nga posibleng makatampo sa air quality condition.— MEL (BANAT NEWS)
- Latest
