Pamahayag sa Santo Papa angayan nga tahuron
CEBU, Philippines — Nabalaka si Cebu Archbishop Alberto Uy sa labing uwahing pamahayag sa usa ka world leader batok ni Pope Leo XIV, ug mipadayag nga angayan nga tahuron kini gumikan sa iyang papel isip moral and spiritual guide.
Sa usa ka statement nga gipagawas sa Facebook page “Maymay sa Magbalantay,” si Uy mihulagway niini nga usa ka “deeply saddening” nga ang usa ka lider sa gamhanan nga nasud ang mosulti og dili maayo batok sa Holy Father. Una niini si US President Donald Trump miatake sa Santo Papa gumikan sa pagsulti niini bahin sa gubat ug policy issues ug gisugyot niya nga dili kini mag apil apil sa politika.
Samtang ang Santo Papa mitubag pinaagi sa panawagan alang sa kalinaw.
Giklaro sa archbishop nga ang Santo Papa wala moapil sa political rivalry hinuon nipadangat sa iyang baruganan nga naggikan sa konsensiya ug pagtuo.
Si bishop Uy nilakbit sa pag-ingon nga ang misyon sa Simbahan dili aron pagpangita sa gahum kundili mamahimong saksi sa kamatuoran ug mopakatap sa mga pulong sa Ginoo nga ang iyang gingharian wala dinhi sa kalibutan. Dugang pa ni Uy nga ang Santo Papa nipadayag lang sa mga isyu sa kalibutan sama sa gubat, inhustisya ug kagubot ug wala kini mokondinar ni bisan kinsa. Ang maong pamahayag sa Santo Papa naggumikan sa kaluoy sa mga tawo nga maapektuhan sa kagubot ilabi na ang mga kabus.
“For every war, every act of violence, every unjust decision always has a face, the face of a child who cries, a mother who mourns, a family that is broken,” suma pa ni Uy.
Ang arsobispo nanawagan sa mga magtutulo ingon man sa publiko nga mohinuklog sa matang sa kinabuhi nga buot niini nga umolon. (BANAT NEWS)
- Latest
