Estudyante patay sa ambulansiya
CEBU, Philippines — Patay on the spot ang usa ka 18-anyos nga babayeng estudyante sa kolehiyo samtang naangol ang iyang kauban nga lalaki human nalambigit sa aksidente sa flyover sa Archbishop Avenue, Barangay Luz, Cebu City pasado alas 1:00 sa hapon, Martes, Abril 14, 2026.
Nagkabinanggaay ang motorsiklo sa mga biktima ug ambulansya nga dunay dalang pasyente diha sa ibabaw sa mismong flyover.
Giila ang namatay nga si Braille Nichole Kwek, taga Camotes island samtang ang angol ang driver sa motorsiklo mao si Juan Antonio Ladioray, pareho silang estudyante sa kursong Bachelor of Science in Mechanical Engineering (BSME). Samtang ang driver sa ambulansya giila nga si Kevin Ryan Legaspino Gesta, residente sa Barangay Busay.
Base sa inisyal nga imbestigasyon, ang ambulansya nga gimaneho ni Gesta nagdala og pasyente padulong sa Cebu City Medical Center, samtang ang motorsiklo nga gisakyan sa mga biktima padulong unta sa Talamban.
Pag-abot sa flyover, giingong mi-overtake ang ambulansya sa gisundang sakyanan ug napadung sa lane sa motorsiklo hinungdan nga natumba ang duha ka biktima.
Natagak sa motor si Kwek ug gituohang naligsan hinungdan sa iyang hinanaling kamatayon. Si Ladioray, nga nakaangkon og samad dali nga gidala sa tambalanan.
Ang pasyenteng dala sa ambulansiya gibalhin og laing ambulansiya aron mahatud sa CCMC.
Sa pagkakaron, gidala si Gesta sa Traffic Enforcement Unit alang sa imbestigasyon ug posibleng atubangon ang kasong reckless imprudence resulting in homicide, physical injury, ug damage to property. (BANAT NEWS)
- Latest
