Osameña subling nangatake sa city administrator

CEBU, Philippines — Si Bise Mayor Tomas Osmeña sa Dakbayan sa Sugbo subli nga nangatake kang City Administrator Albert Tan diin matud niini nga mag-antos ang pangagamhanan sa siyudad kon magpabilin si Tan sa katungdanan.

Sa ulahing pamahayag ni Osmeña atol sa press conference nga iyang napanglantawan nga si Tan dili angayang mahimong kabahin sa leadership formula ni Mayor Nestor Archival, Sr.

Nunot sa naunang pagsaway ni Osmeña gipadayag niini ngadto sa publiko nga ang admistrator “banga” o walay katakus.

Matud ni Osmeña nga wala siya’y nahu-hunaan nga ikapuli apan giinsister niini nga si Tan hingpit nga walay katakus.

Gipasabot sa bise mayor nga ang kawalay katakus mahimong madumala usahay kong ang usa ka lider magtukod og lig-on nga grupo diin iyang gikutlo ang pagkapangulo ni Ronald Reagan (kanhi presidente sa Amerika) isip ehemplo sa usa ka tawo nga nagsalig sa mga takus nga magtatambag bisan pa sa limitado nga kahanas.

“Just like America, look at Reagan, he’s just a movie star but the country is very well run because he’s got all these people around him that will handle the issues on anti-nuclear, anti-communist or whatever… What does Reagan know about that?” Gihulagway sa bise mayor ang kapakyasan sa pag-ila sa kaugalingon nga limitasyon samtang nagtuo nga maalamon isip ug nipasidaan si Osmeña nga ang maong kinaiya makahatag kini og kadaot sa publiko.

“Nobody is smart, nobody is perfect. But the person that doesn’t realize that he doesn’t know anything and he thinks he’s smart… That’s stupid… So in the end, the people suffer”, ni Osmeña pa.

Nakita ni Osmena ang usa ka kultura sa stagnation sa city hall ug nagkanayon nga daghang mga dugay na nga empleyado ang nisupak sa kabag-ohan ug nagpabilim sa karaan nga mga outdated practices.

Gisaway usab ni Osmeña ang sestema nga mopagawas lang dayon og pundo nga walay gipresenta nga stratehiya aron makadaginot o makakuha og kita.

Give more money to the poor, let’s give more money to the barangay officials. Let’s give more money… Anybody can do that? And now we have no money”, padayag ni Osmeña.

Giklaro ni Osmeña nga ang iyang pagsaway wala kini nagpasabot nga pag-undermine kang Archival apan pagsiguro kini sa iyang kalamposan.

“I’m here to see Nestor succeed. And he’s(Tan) not part of that… He cannot be part of that formula”, dugang ni Osmeña. — /BDB (BANAT NEWS)