Heat-related disease covered Philhealth

CEBU, Philippines — Gipaniguro sa PhilHealth nga giandam na sa ilang buhatan ang coverage alang sa mga makasinate ug sakit may kalabutan sa kainit sa panahon karon nga misulod na ang dry season.

Ang Philhealth nipahinumdum sa mga miyembro nga ang inpatient benefit packages mahimong magamit alang sa common heat-related conditions ug mapahimuslan sa bisan asa nga PhilHealth-accredited hospital nationwide.

Lakip sa mga sakit nga mahatagan og benepisyo mao ang heat stroke, heat exhaustion, heat collapse, heat cramps, ug sunstroke nga mokabat sa P 12,675; heat fatigue ug ubang sakit nga epekto sa kainit mokabat sa P18,135; moderate to severe dehydration P 7,800; varicella or chickenpox without complication at P7,800; typhoid fever P19,500; sore eyes or conjunctivitis P16,575; infectious diarrhea or acute gastroenteritis P11,700; ug mga toxic effects gikan sa marine animals sama sa jellyfish, sea anemone, shellfish, ug starfish dunay coverage nga P11,115.

Giklaro usab sa PhilHealth nga ang emergency healthcare needs, bisan og dili heat-related makakuha gihapon og coverage ubos sa Outpatient Emergency Care Benefit (OECB) Package, nga mapahimuslan sa mga accredited nga Level 1 ngadto sa Level 3 hospitals.

Kini aron pagsiguro nga ang mga miyembro makadawat og dinalian nga medical attention atol sa mga emerhensya. — /MEL (BANAT NEWS)