^

Banat Balita

Aksyon Agad Operation Tuli gihimo sa siyudad sa Talisay

Nicholas Jon Malaga - Banat

CEBU, Philippines —  Kapin sa 134 ka mga batan-on ang nakabenepisyo sa Aksyon Agad Operation Tuli sa Barangay San Roque, Talisay City niadtong Biyernes, Abril 10.

Ang maong inisyatiba nga gipangulohan sa Talisay City Health Office nagtumong sa paghatag ug libreng serbisyo sa pagpatuli sa nagkadaiyang barangay sa dakbayan nga gisugdan niadtong Marso 29 ug magpadayon hangtod Mayo 24.

Matod ni Talisay City Mayor Gerald Anthony "Samsam" Gullas Jr., ang inisyatiba gihimo aron makatabang sa pagpanalipod sa panglawas sa mga batan-ong lalaki samtang makapagaan usab sa pinansyal nga problema sa mga ginikanan nga dili na kinahanglang mogasto pa alang sa pagpatuli sa ilang mga anak.

Sa iyang Facebook post, ang mayor nagpasalamat sa mga ginikanan sa pagsalig nga makabenepisyo ang ilang mga anak sa iyang libreng programa sa patuli.

“Dako kaayo among pasalamat sa mga ginikanan for your trust and support. We can assure you that our doctors and medical team provided safe, clean, and quality service throughout the activity,” matod niya.

Gipasalamatan usab ni Gullas ang CHO sa dakbayan sa Talisay pinangulohan ni Dr. Rey Cesar Bautista, uban sa tanang mga kawani ug mga boluntaryo nga nagkugi aron magmalampuson ang programa.

Dugang pa, giawhag sa kagamhanan sa dakbayan ang mga ginikanan ug mga guardian nga dad-on ang ilang mga anak, pag-umangkon, o apo nga lalaki ngadto sa gikatakdang mga site ug pahimuslan kining libreng serbisyo.

Ang libreng tuli na operasyon gisugdan niadtong Abril 7 sa Barangay Lagtang, Abril 10 sa Barangay San Roque, ug Abril 11 sa Barangay Jaclupan.

Magpadayon kini sa Abril 14 sa Barangay Maghaway ug Tapul, Abril 17 sa Barangay Lawaan III, Abril 21 sa Barangay Lawaan I, Abril 24 sa Barangay Tabunoc, ug Abril 28 sa Barangay Dumlog.

Sa buwan sa Mayo muadto usab ang CHO para maghimo sa susamang operasyon sa ubang barangay, naglakip na Barangay Biasong sa Mayo 5, Barangay Tanke sa Mayo 8, ug Barangay San Isidro sa Mayo 9.

Mayo 12 adto kini sa Barangay Camp 4, Mayo 15 sa Barangay Bulacao ug Barangay Candulawan, Mayo 16 sa Barangay Pooc, Mayo 19 sa Barangay Linao, Mayo 22 sa Barangay Manipis, Mayo 23 sa Barangay Poblacion ug Barangay Cansojong, ug matapos ngadto sa Barangay Lawaan II inig Mayo 24.

Ang mga mosalmot gimanduan nga makig-alayon na lang sa ilang barangay health workers og sayo, kay matod pa ang mga slots first come, first serve. (BANAT NEWS)

KAPIN

  • Latest
Latest
Latest
abtest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

Get Updated:

Signup for the News Round now

FORGOT PASSWORD?
SIGN IN
or sign in with