Ceasefire sa US ug Iran gihangop ni Archival
CEBU, Philippines — Gihangop ni Cebu City Mayor Nestor Archival, Sr. ang bag-ong kalamboan sa international nga sitwasyon human gipahibalo ang duha ka semana nga ceasefire tali sa United States ug Iran.
Gihulagway sa mayor nga usa kini ka positibo ug dugay nang gihulat nga lakang paingon sa kalinaw.
“The 2-week ceasefire between the United States and Iran is a welcome and long-awaited development, especially as people around the world-including us here in Cebu City-have been affected by the impacts of global tensions. We are truly glad to see this step toward peace”, matud ni Archival.
Naglaom ang mayor nga magkasinabot na ang duha ka nasud tungod kay lakip ang siyudad sa labing apektado sa kagubot nga nilanat na og kapin usa ka buwan.
Si Archival nanghinaot nga ang maong pagpahuway sa panagbangi magdala og makahuluganon nga diyalogo ug magmugna og malungtaron nga pagpapalig-on sa relasyon sa tibuok kalibutan.
Matud sa mayor nga ang kalinaw sa kalibutan adunay dakong kahulogan alang sa tanan.
Giawhag ni Archival ang publiko nga magpadayon sa pag-ampo alang sa panaghiusa ug makabaton na og solusyon sa mga panagbangi sa kalibutan.
“Padayon ta sa pag-ampo for peace and unity”, awhag ni Archival. BDB BANAT NEWS
- Latest
