20,000 ka sakong bugas paliton sa Kapitolyo
CEBU, Philippines — Ang Probinsiya sa Sugbo maoy moabaga sa gasto sa pagbyahe ug sa logistics aron makakuha og dakong suplay og bugas ang National Food Authority (NFA).
Matud ni Gobernador Pamela Baricuatro, dili momenus 20,000 ka sako sa bugas nga iapud-apod sa kalungsoran ug dakbayan sa Probinsya ang target sa kapitolyo.
Ang maong bugas ibaligya og tag P20 matag kilo ngadto sa mga kabus, apil ang mga senior, solo parents, persons with disabilities ug minimum wage earners.
Atol sa pagbisita sa acting regional manager sa NFA-7 nga si Liza Balagot, una kining nipahibalo sa Baricuatro nga ang national office sa NFA migahin lang og 2,000 ka sako sa bugas alang sa Sugbo.
Apan nihangyo ang Probinsya nga 20,000 ka sako ang kinahanglan aron mapun-an ang demand sa bugas sa Sugbo.
Matud ni Balagot nga mahimong makakuha og dugang suplay sa bugas ang Sugbo gikan sa Region 4 ug Region 6.
Gimandoan na daan ni Baricuatro ang Provincial Agricultures Office nga iapud-apod dayon ang mga bugas kun moabot aron wala nay kalangay ug malikayan nga madaot kini sa warehouse. Ang mga kwalipikadong benepisaryo mamahimong makapalit og hangtod 30 kilos sa bugas matag bulan, o maximim 10 ka kilos sa matag transakasyon.
Ang mga rice farmers mamahimong makapalit og hangtod 50 kilos matag bulan.
Ang mga benefeciaries mopresentar lang sa ilang balido nga ID sama senior citizens gikan sa Office of the Senior Citizens Affairs (OSCA), PWDs ID, ug 4Ps benefeciary certification.
Ang mga transport workers kinahamglan sab makapakita og identification gikan sa LTFRB-7 o sa ilang tagsa tagsa ka LGUs.
Ang maong programa gipaabot nga mapatuman inig Abril 15 ug molungtad depende sa suplay sa bugas (BANAT NEWS)
- Latest
