Siyam ka drayber positibo sa drug test
CEBU, Philippines — Siyam ka mga drayber sa bus ug taksi ang nagpositibo sa gihimong surprise drug test sa Philippine Drug Enforcement Agency (PDEA)-7, Land Transportation Office(LTO)-7 ug Land Transportation Franchising and Regulatory Board kagahapon, Lunes, Marso 30, 2026 isip kabahin sa ilahang pagpangandam sa Semana Santa 2026.
Sa siyam nga nag positibo sa random drug test, usa ka taxi driver ang positibo sa drug test nga gihimo sa Cebu North Bus Terminal samtang laing tulo na taxi drivers ug lima ka bus drivers ang positibo sa drug test nga gihimo sa Cebu South Bus Terminal.
Sa kinatibukg-an niabot sa 412 ka PUV drivers ug mga konduktor sa duha ka bus terminals ang gipaubos sa random drug testing.
Subay niini, si PDEA-7 Regional Director Joel Plaza miingon nga kadtong mga nagpositibo ipaubos gihapon sa confirmatory test.
Ang mga nagpositibo i-refer sa Local Government Unit sa Cebu City aron dunay assessment ug masuta ang internvention nga pagabuhaton sa ilaha.
Samtang si LTO-7 Director Atty. Wendell Dinglasan mitataw nga revocation sa lisensiya ang mahitabo niadtong magpositibo sa drug test ug wala nay second chance.
"Seryoso po kasi if positive, its directly connected with the safety of our public mahirap kung bigyan pa natin ng chance yung mga ganyan," ni Atty. Dinglasan pa. (BANAT NEWS)
- Latest
