16 ka balay sa Tinago, nasunog
CEBU, Philippines — Dili mominos sa 16 ka mga panimalay ang apektado sa sunog nga niulbo sa may Sitio Bagong Bayan, Barangay Tinago ning Dakbayan sa Sugbo, Lunes sa hapon, Marso 30,2026.
Ang sunog naglambigit og residential houses nga giingong gipuy-an ni Mauricio Bascon. Ang sunog giisa kutob sa 2nd alarm alas 3:03 sa hapon ug napawong kini alas-3:50 kini napawong.
Wala hinooy gikatahong nakalas o naangol sa maong sunog apan nagbilin kini og danyos nga gibana-banang P1,350,000.
Niabot ngadto sa 14 ka panimalay ang hingpit nga naugdaw ug duha ang partial nga nakan-an. Niabot sa 25 ka pamilya o 75 ka individual ang apektado sa pag-ulbo sa maong sunog.
Ang kabomberohan kay padayon pa nihimo sa ilang imbestigasyon may kalabutan sa hinungdan sa pag-ulbo sa sunog.
Apan report sa mga residente nga kuryente ang sinugdanan niini, gigamitan nila og tulo ka fire extinguishers apan wala gyud nila kini napawong ug nikatap sa kabalayan.
Ikaduha na kini nga sunog nga niigo sa maong lugar sukad niadtong 1988. (BANAT NEWS)
- Latest
