Buybust sa drug den, tulo nasikop

CEBU, Philippines — Nagpahigayon og buy-bust operation ang mga operatiba sa PDEA 7 Regional Special Enforcement Team ug Cebu City Police Office Station 7 Sitio Lower Sto. Niño, Barangay Inayawan, Cebu City, diin tulo ka indibidwal ang ang nadakpan apil ang drug den maintainer.

Si PDEA-7 Regional Director Joel Plaza miila sa subject sa operasyon ug drug den maintainer nga si alyas Mark, 42, mason, nagpuyo sa naasoy nga dapit.

Apil sab sa nadakpan mao ang duha ka drug den visitors nga sila si alyas Franklin, 53, driver ug alyas Ronel, 41, sidewalk vendor, pulos nagpuyo sa naasoy nga lugar.  Nasakmit atol sa operasyon ang pito ka putos sa gituohang shabu nga nitimbang og 15 gramos ug gibana-banang nagkantidad og P102,000, buy-bust money ug nagkalain-laing drug paraphernalia.

Ang maong operasyon subay na sa impormasyon nga nadawat sa mga operatiba gikan sa confidential informant.

Duha ka semana nila gipaubos sa case build up ang suspetsado ug nasuta nga maka dispose kini og 20 ngadto sa 30 gramos nga drugas kada semana.

Si alyas Mark, nadakpan na niadtong September 2021 tungod sa kasong illegal drugs.  IBM BANAT NEWS