Magsige pa-display og armas gidakop

CEBU, Philippines — Nadakpan sa kapulisan sa Labangon Police Station 10 Cebu City Police Office(CCPO) ang usa ka 48-anyos nga lalake pinasikad sa search warrant sa Sitio Sto. Rosario, Barangay Labangon, Cebu City niadtong Miyerkules sa buntag,  Marso 25, 2026.

Ang dinakpan mao si Roger Layan Reproponio alyas Jefrox, nagpuyo sa naasoy nga dapit.  Gi-implementar sa kapulisan sa Labangon Police Station 10 ang search warrant batok sa dinakpan sa kalapasan sa Republic Act 10591.

Si Executive Judge Executive Judge Anacleto Debalucos, Presiding Judge,  Regional Trial Court Branch 17, Cebu City ang nag-issue.

Nasakmit sa kapulisan ang calibre .38 revolver ug duha ka bala.  Sa impormasyon sa kapulisan wala sila'y record nga nalambigit og pagpamusil.

Apan gikataho nga dunay nisumbong batok sa suspek nga magsige og pabuto og armas ug manion o kaha magpakita-kita sa armas niini sa mga tawo.

Giingong usab ilado sab nga drug personality ang suspek. IBM  BANAT NEWS