Terminal fee sa Lapu-Lapu pakunhoran
CEBU, Philippines — Gitinguha karon sa kagamhanan sa Dakbayn sa Lapu-Lapu nga ipatuman ang pagpakunhod sa terminal fee sa mga sakyanan nga pasaheroan.
Kini maoy lakang nga ipatuman ni Mayor Cindi King-Chan alang sa pagtabang sa mga drayber kinsa naapektohan ang mga kita sa ilang pagbiyahe tungod sa hilabihang pag-usbaw sa produktong petrolyo tungod sa tensiyon ngadto sa Middle East.
Gipasabot ni Chan nga matabangan usab ang mga pasahero sa lakang nga himuon tungod sa pagpakuhod sa terminal fees dili na usab sila mopausbaw sa ilang pletehan
Apan gitataw ni Chan nga temporaryo lang ang maonglakang sa siyudad niining panahon sa krisis.
Matud ni Chan nga sugdan sa pagpatuman ang pagkunhod sa terminal fee sa sunod semana human sa pagtuki niini sa mga sakop sa konseho atol unya sa ilang regular session.
Base sa gisugyot nga pagpakunhod sa terminal fees diha sa mga terminal nga gipadagan ubos sa kagamhanan sa siyudad ang mga V-hire gikan sa P20 na lang gikan sa P25, ang jeepney gikan P10 na lang gikang sa P20 ug ang multicab gikan sa P10 anaa na lang sa P5. BDB BANAT NEWS
- Latest
