16 ka balay naugdaw sa Opon

CEBU, Philippines — Dili momenus 16 ka panimalay ang apektado sa sunog nga niulbo sa may Saac 2 Zone 7, Barangay Buaya, Lapu-lapu City, Martes sa buntag. Ang sunog naglambigit og residential houses nga giingong nagsugod sa panimalay nga iya ni Bernadette Inot.

Ang sunog hingpit nga napawong alas-9:49. Wala hinuoy gikataho nga nakalas o naangol sa maong sunog nga nidanyos P1,125,000.

Ang kabomberohan padayon pang nag-imbestigar sa hinungdan niini  sumala pa ni Fire Supt. Arnel Abella.

Si Lapu-Lapu City Mayor Cindi King-Chan, nimando na karon sa DRRM Humanitarian Assistance Response Team sa pagapud-apod og mga hot meals ug non-food items sa mga biktima sa sunog aron matubag gilayon ang ilang dinalian nga panginahanglan. Ang City Social Welfare and Development Office niatiman na karon sa mga apektadong pamilya. IBM BANAT NEWS