Nakadasmag sa rider pasakaan og kaso
CEBU, Philippines — Nakagawas na sa tambalanan kadtong 21-anyos nga driver sa motorsiklo nakabangga patay sa delivery rider diha sa Gorordo Avenue corner J. Solon Drive, Barangay Lahug, siyudad sa Sugbo.
Ang driver mao si Dendril Montehermoso, 21, taga Sitio Upper Kawayan, Barangay Sambag 2, Cebu City. Nabalhog na siya karon sa Mabolo Police Station 4 Cebu City Police Office samtang giandam na ang kasong Reckless Imprudence Resulting in Homicide nga ipasaka kaniya sa pamilya sa namatay nga si Ivan Serintas Avila, 35.
Matud pa ni Police Lieutenant Colonel Franco Rudolf Oriol, tigpamaba sa Cebu City Police Office nga wala sila'y nadawat nga impormasyon nga dunay areglo nga mahitabo.
"Sa gihapon kung naa man sila'y mga kasabutan but as far as the police is concern we will file the case of Reckless Imprudence Resulting in Homicide," sigon ni Oriol.
Ang suspek gipaubos sa liquor test sa Cebu City Medical Center ug negatibo ang resulta.
Ni-surrender na sab sa Barangay Sambag 2 ang 16-anyos nga driver sa laing motorsiklo nga kauban sa suspek nga naglumba ug nakaligis pud sa biktima. IBM BANAT NEWS
- Latest
