Duha ka HVI sikop sa buy-bust operation
CEBU, Philippines — Duha ka giila nga high value individual ang nasikop sa kapolisan atol sa buy bust operation diha sa purok Narra, Barangay Poblacion, Lungsod sa Liloan niadtong Biyernes sa gabii.
Target sa maong operation mao si alyas Arcen, 24 anyos nga nagpuyo sa nahisgutang dapit.
Lakip usab sa gisikop si alyas Mar, 19 anyos nga taga purok Mahogany, Barangay Poblacion sa mao gihapong lungsod.
Si Police Lieutenant Raul Flores, Deputy Station Chief nga ubos sa kamandoan sa ilang hepe nga si Police Lieutenant Colonel Dindo Juanito Alaras ang nakadawat og impormasyon labot sa ilegal nga kalihokan sa maong lugar.
Nakuha nga ebidensiya gikan sa mga suspek ang 0.50 gramo sa gituhuang shabu nga mobalor og P3,400 ingon man mga kagamitan sa paggamit og ginadiling drugas.
Sa pakisusi nga gihimo sa kapolisan ilang nasuta nga lakip sa gibaligyaan sa duha ka dinakpan ang mga adik-adik sa mga kasikbit nga barangay nga sakop na sa Lungsod sa Compostela.
Ang duha ka dinakpan unang higayon pa nga nasikop sa pagpayuhot og illegal nga drugas. (BANAT NEWS)
- Latest
