Umento sa pletihan aprubado na

CEBU, Philippines — Giaprubahan na sa Land Transportation Franchising and Regulatory Board (LTFRB) ang fare adjustments alang sa public utility vehicles (PUVs) aron sa pagbalanse  ang kahimtang sa milyones ka commuters ug masuportahan ang sektor sa pampublikong transportasyon taliwala sa pagsaka sa presyo sa lana.

Miingon ang LTFRB nga ang implementasyon sa pagtaas sa pletehan magsugod sa Huwebes, Marso 19, 2026.

Gipatin-aw ni LTFRB Chairman Atty. Vigor D. Mendoza II sa usa ka press conference kagahapon nga ang kalkulasyon sa fare hike niagi og  tukmang deliberasyon, ug gibasi sa datos ug analysis, lakip ang mga pagtuon sa Department of Economy, Planning, and Development (DEPDev).

“This decision that covers all modes of land public transportation is proof of the national government’s genuine concern on the welfare of those in the transport sector too while protecting the interest of the general commuting public,”matud ni Chairperson Mendoza.

 “And this is timely because the transport sector is currently facing a serious challenge on the prices of petroleum products as a result of the Middle East tensions,” dugang pa ni Chairman Mendoza.

Ang tradisyonal nga jeepney, mosaka og P1 ang minimum fare alang sa unang upat ka kilometro, gikan P13.00 ngadto sa P14.00, ug dugang 20 centavos kada sunod nga kilometro, gikan P1.80 ngadto sa P2.00.

Alang sa modern jeepney, ang pasahe mosaka og P2, gikan P15 ngadto sa P17, uban sa 20 centavo nga pagtaas kada sunod nga kilometro gikan P2.20 ngadto sa P2.40.

Ang airport taxi makasinati og P40 nga pagtaas sa flag-down rate o unang 500 metros, gikan P75 ngadto sa P115, samtang ang charge nga P4.00 alang sa sunod nga 300 metros ug duha-ka-minutong paghulat nagpabilin.

Alang sa Transport Network Vehicle Services (TNVS) mosaka og P20 nga base fare increase ug P15 kada kilometro nga pick-up fare.  Nagpasabot kini nga P65 na kini gikan sa P45; AUVs ngadto sa P75 gikan sa P55; hatchbacks ngadto sa P55 gikan sa P35; ug premium TNVS ngadto sa P165 gikan sa P145. Ang per-kilometer ug per-minute travel time charges nagpabilin nga walay pagtaas.

Gipahibalo usab ni Mendoza nga ang air-conditioned city buses  mosaka og P3 sa unang lima ka kilometro, gikan P15 ngadto sa P18.35  kada sunod nga kilometro gikan P2.10 nahimo na kining  P2.45.

Alang sa provincial buses, ang ordinary units mosaka og P1 sa unang lima ka kilometro, samtang ang sunod nga kilometro magkalainlain: 30 centavos para sa ordinary buses, 35 centavos para sa deluxe ug super deluxe air-conditioned buses, ug 45 centavos para sa luxury buses. Alang sa Metro/City Buses, ang pagtaas mao ang P2 sa unang lima ka kilometro, gikan P13.00 ngadto sa P15.00, ug 24 centavos kada sunod nga kilometro gikan P2.25 ngadto sa P2.49.

Alang sa air-conditioned metro/city buses, P3.00 ang pagtaas sa unang lima ka kilometro, gikan P15.00 ngadto sa P18.00, ug 33 centavos kada sunod nga kilometro gikan P2.65 ngadto sa P2.98.

Matud ni Mendoza, kaning tanan ipatuman sa tanang rehiyon sa nasud.

Ang desisyon  gibase sa pagsaka sa maintenance ug operational costs, gikan sa 7.54% sa miaging bus fare hike sa 2022 ngadto sa 54.29% sa 2024. Uban pang hinungdan mao ang geopolitical tensions sama sa gubat sa Ukraine ug Middle East, ug ang pagtaas sa suweldo sa tibuok nasod sukad 2022.

Gipahinumdom ni Chairperson Mendoza nga ang kalangan sa pag-aprobar sa jeepney fare hikes tungod sa dakong epekto niini sa consumer price index (CPI), samtang ang passenger buses gamay ra ang epekto, adunay CPI share nga 0.58 porsyento lamang. Magpabilin ang 20% discount alang sa senior citizens ug persons with disabilities, ug sa mga estudyante sa adlaw sa tingklase.

Karong sunod semana ang distribusyon sa P5,000 fuel subsidy sunod semana.

Si LTFRB-7 financial analyst Ruperto Jingjing Zamora miingon nga dili pa magsugod dayon ang usbaw sa pletihan hangtud wala pa’y pormal nga direktiba ang ahensya.

 “We are still waiting for the official order. As of now, there is no implementation yet,” iyang gi-clarify.

Sa pikas bahin, transport group nga PISTON nipahibalo nga mag-transport strike sila karong Huwebes Marso 19, gikan alas siete sa buntag ngadto sa alas tres sa hapon. Ang Chairman sa PISTON Cebu Greg Perez nagkasabot sila nga dili na makiangayon ang grabe kamahal sa produktong petrolyo karon ug nangangkon siya nga gisuportahan sila sa mga mamumuo, mag-uuma, vendors ug lakip sa mga tinun-an aning ilang plano.  IBM BANAT NEWS