Mga tinun-an sa elementarya sa Sugbo maglisod og basa?

CEBU, Philippines — Daghan sa mga tinun-an sa early grades sa elementarya sa mga siyudad sa Sugbo ang naglisod pa gihapon og basa ug sabot sa mga yano nga sentences o paragraphs kini base sa datos sa national government.

Sa gihimong assessment sa Second Congressional Commission on Education (Edcom 2), lima gikan sa 10 ka tinun-an sa early grades sa mga siyudad o urban areas ang naglisod pa gihapon og basa o gitawag nga “struggling readers”.

Base sa listahan sa Edcom 2 nga ang struggling readers mao kadtong mga tinun-an nga anaa sa emerging reader sa reading profile sa Comprehensive Rapid Literacy Assessment (CRLA).

Matud sa Edcom 2 nga sa siyam ka divisions sa Sugbo ang Dakbayan sa Talisay  ang adunay pinakadaghan nga struggling readers diin 52.99 porsyento sa mga tinun-an ang naglisod og basa sugod sa school year base sa findings sa CRLA).

Gawas sa Talisay, ang mga tinun-an usab sa dakbayan sa Sugbo ang naglisod og basa diin base sa datos nga 46.85 porsyento sa mga tinun-an sa maong siyduad ang maglisod gihapon og basa.

Gisundan sa Dakbayan sa Lapu-Lapu nga adunay 45.64 porsyento, Dakbayan sa Toledo, 43.83 porsyento ug Dakbayan sa Mandaue nga adunay 39.70 porsyento  dayon ang Cebu Province nga 39.21porsyento.

Gikataho nga sa Probinsiya sa Sugbo, sa tanang divisions niini mga upat gikan sa 10 ka tinun-an sa elementarya o gikan sa grade 1 hangtud sa grade 3 ang gi-classify nga struggling readers.

Sunod ang  Dakbayan sa Naga, 35.57 porsyento; Dakbayan sa Danao, (32.51 porsyento ug Dakbayan sa Bogo, 32.50 porsyent.

Ang datos sa CRLA nag-cover kini sa sugod sa school year 2025 hangtud sa 2026 diin 263, 204 ka tinun-an gikan grade 1 hangtud sa grade 3 ang gi-assess.

Ang Edcom 2 usa ka national commission nga ang tahas mao ang pagpahigayon og komprehensibo nga national assessment ug evaluation sa performance sa education sector sa nasud. BDB BANAT NEWS