Cellphone ni Mayor Samsam Gullas gi-hacked
CEBU, Philippines — Gipahibawo ni Talisay City mayor Gerald Anthony “Samsam” Gullas nga gihack ang iyang cellphone sa wa mailhing tawo.
Hinungdan nga iyang gipahibawo ang publiko nga kung mag message ang iyang messenger account ug mangayo og kwarta dili kini tuohan. Asoy pa ni Gullas nga ila nang nasulbad ang problema niadtong Sabado apan sa mosunod nga adlaw nagkaproblema nasad ang iyang messenger.
Gihangyo niya ang tanan nga gusto mobilin og mensahe kaniya nga adto lang una sa viber.
Sigon pa ni Gullas nga kaduha na siya nakailis og password sulod sa tulo ka adlaw sa iyang messenger.
Nagtuo ang mayor nga adunay tawo nga nagtuyo sa pagbinuang sa iyang account.
Busa gihangyo niya ang katawhan nga alerto kini og dili dayon motuo ilabi na kun adunay mangayo og kwarta. (BANAT NEWS)
- Latest
