Suspek sa rent-tangay modus gidakop

CEBU, Philippines — Gidakop sa kapulisan sa Regional Highway Patrol Unit(RHPU)-7 pinasikad sa warrant of arrest ang ka gipasanginlang carnapper diha sa Banawa, Cebu City  kagahapon sa buntag.

Ang akusado mao si alyas Beroy, 46, usa ka negosyante nagpuyo sa Osmeña Boulevard, Cebu City.  Ang mga personnel sa RHPU-7 sa pagpangulo ni Police Major Silvestre Cenia Jr., ang nidakop kaniya. Nalutsan siya og warrant of arrest sa kasong kalapasan sa The New Anti-Carnapping Act of 2016 kun Republic Act 10883.

Si  James Stewart Hemalaloan, Presiding Judge, RTC Branch 7, Cebu City ang nag-isyu sa warrant of arrest ug dunay girekomendar nga piyansa nga P300,000.

Matud pa ang modus sa suspetsado gitawag og “rent tangay” diin kuhaon matod pa sa akusado ang pagsalig sa tag-iya sa sakyanan apan diay to pabuhatan niya og peke nga papel para ibaligya sa lain.

Giingong buy and sell ang negosyo sa akusado.   IBM BANAT NEWS