P20/kilo nga bugas mapalit na sa siyudad sa Mandaue

CEBU, Philippines — Gitakda na ang pagbaligya og P20 matag kilong bugas sa siyudad sa Mandaue sugod karong Biyernes, Marso 13, 2026.

Gipahiluna kini sa Department of Agriculture (DA) diha sa merkado publiko sa Mandaue pinaagi sa Food Terminal Incorporated ubos sa Kadiwa ng Pangulo nga giabagan sa kagamhanan sa dakbayan sa Mandaue.

Lakip sa gitugotan nga makapalit sa baratong bugas mao ang mga low income nga mga molopyo apil na ang mga senior citizen, solo parents, person with disability (PWD's), mga jeepney drivers, tricycle drivers, Department of Education personnel sama sa mga magtutudlo ug non-teaching personnel.

Ang maximum nga gitugot sa maong sektor nga ilang mapalit mao ang napulo ka kilo sa matag palit.

Kadtong mga ubos og income apil na ang mga senior citizens, PWD, solo parents ug mga 4Ps beneficiary mahimong makapalit hangtud 30 kilos matag buwan.

Samtang ang ubang mga beneficiaries ang gitugutan nga makapalit og hangtud napulo ka kilo matag buwan.  MEL BANAT NEWS