Dul-an 800 drug suspects nasikop

CEBU, Philippines — Dul-an 800 ka mga gidudahang drug personalities ang nadakpan ug moabot P31 milyones nga balor sa ilegal nga drugas ang nasakmit sa kapolisan sa Central Visayas sa nakalabay nga bulan sa Pebrero. Ang PRO-7 nakasakmit og 4,635.34 grams sa gituohang shabu nga nagkantidad og kapin P31 million ug 792 ka indibidwal nga nalambigit sa illegal drug activities ang nasikop.

Nahitabo ni sa mga gipahigayong buy-bust operations, police response operations, checkpoint operations, ug implimentasyon sa warrants of arrest ug search warrants nga gihimo sa nagkalain-laing police units sa rehiyon.

“We will continue to intensify our operations against individuals involved in the illegal drug trade. Illegal drugs destroy lives and communities, and we will not allow criminal elements to operate freely in our region. PRO7 remains fully committed to eliminating illegal drug substances and ensuring the safety and security of every community in Central Visayas," sigon pang PRO-7 Regional Director Police Brigadier General Redrico Maranan.

Gipasalig sa PRO-7 ngadto sa publiko nga ang anti-illegal drug campaign dili molugak. — /IBM (BANAT NEWS)