Himoana’g paltik Gironda

CEBU, Philippines — Laing himoanan og paltik ang gironda sa kapulisan ug na-recover ang mga kahimanan sa paghimo og mga ilegal nga armas diha sa Sitio Manghilao, Barangay Masaba, Danao City niadtong Marso 5, 2026.

Ang operasyon gihimo sa mga personnel sa 701st Maneuver Company sa Regional Mobile Force Battalion-7 pinaagi sa koordinasyon sa Danao City Police Station isip kabahin sa intensified monitoring ubos sa “Bakal ng Pagbabago: From Guns to Gifts, Turning Metals into Meaning” program ni PRO-7 Regional Director Police Brigadier General Redrico Maranan.

Na-recover sa dapit ang nagkalain-laing ekipo ug materyales nga gigamit sa paggama og loose firearms apil ang electric push drill, bench vices, steel files, metal frame patterns, hacksaws ug blades, mga martilyo, steel magazine, unfinished upper receiver, ug pipila ka bala sa caliber .45 ug 9mm.  Nagpasalamat sab ang opisyal sa local government ug community leaders sa aktibong suporta sa initiative. IBM BANAT NEWS