Feeding program ipatuman sa mga tunghaan sa siyudad sa Mandaue

CEBU, Philippines — Gitinguha karon sa kagamhanan sa Siyudad sa Mandaue ang paglusad og feeding program ngadto sa mga tinun-an sa mga publikong tulunghaan sa dakbayan.

Ang maong plano gituki atol sa pagbisita nila ni Rady Diola, kanhi head sa Cebu City School Board ug ni kanhi Mandaue City Vice Nerissa Soon-Ruiz.

Si Mandaue City Mayor Thadeo Jovito "Jonkie" Ouano mipadayag usab sa iyang hugot nga pagsuporta sa ilusad nga feeding program sa mga publikong tunghaan.

Tinguha niya nga kahatagan og tukmang masustansiya nga pagkaon ang mga kabataan kay pinaagi niini maumol usab ang lig-on ug himsog nga kumunidad.

Lakip sa moabag sa ilusad nga programa mao sila si Mandaue City Nutrition Officer Minerva Santillan ug kauban sa maong buhatan nga si Alice Inot. MEL BANAT NEWS