General assembly sa PCL Cebu Federation malamposon

CEBU, Philippines — Malampuson nga gihimo sa Philippine Councilors League-Cebu Federation ang ilang 2026 First Quarter General Assembly niadtong Pebrero 26, 2026 diin ang Chapter President nga si Ricardo “Kuya Nick” Pepito nipadayag sa iyang tibuok kasingkasing nga pasalamat sa mga miyembro sa kasamtangang Sanggunaing Panlalawigan sa Cebu sa ilang lig-on nga suporta ug presensya.

Si Pepito nagpasalamat sa Board Members nga sila Tining Martinez, Lorenz Lagon, Raymond D. Calderon, Mike Villamor, ug Cebu Vice Governor Glenn Soco sa pag-apil sa assembly ubos sa iyang pamunoan.

Nagkanayon si Pepito nga ang ilang presensya nagpakita og panaghiusa ug sila komitido sa pagpalambo sa misyon ug inisyatibo sa organisasyon.

Ang padayon nga suporta ug kooperasyon sa iyang mga kaubang opisyal sa probinsiya, nga nag-ingon nga ang ilang panaghiusa dako kaayo og papel sa kalampusan sa mga programa ug aktibidad sa liga.

Ang maong kalihokan nagpamatuod sa dedikasyon sa mga opisyal sa serbisyo publiko, panaghiusa, ug progreso, samtang gipalig-on ang partnership tali sa PCL Cebu Chapter ug sa provincial government sa pagpadayon sa makiangayon nga mga inisyatibo para sa katawhan sa Sugbo.

Ang assembly nagtipon sa mga konsehal gikan sa tibuok probinsya, nga nagsilbing plataporma sa pagpasiugda sa kolaborasyon, paghisgot sa mga prayoridad, ug pag-uyon sa mga legislative nga kalihokan alang sa lokal nga pangagamhanan. MEL  BANAT NEWS