PhilHealth nilusad sa GAMOT program sa Central Visayas
CEBU, Philippines — Gilusad sa Philippine Health Insurance Corporation (PhilHealth) ang Guaranteed and Accessible Medications for Outpatient Treatment (GAMOT) Program sa Central Visayas aron mas mapadali ug mapabarato ang pagkuha sa essential nga tambal sa mga PhilHealth members ug dependents.
Ang GAMOT usa ka benepisyo ubos sa PhilHealth Yaman ng Kalusugan Program (YAKAP) nga nagtumong sa pagpasiugda sa preventive ug primary health care diin ang mga miyembro ug ilang dependents makadawat og tambal nga gasto hangtod P20,000 kada tuig alang sa mga kasagarang kondisyon sama sa hypertension, diabetes, asthma, chronic obstructive pulmonary disease, ug bacterial infections.
Matud ni PhilHealth President ug CEO?Erwin Mercado nga ang pagpalig?on sa primary care usa ka yawi sa pagpaayo sa dugay nga kahimsog sa mga pasyente, ug ang GAMOT usa ka pamaagi aron malikayan ang seryoso nga mga sakit pinaagi sa sayo ug padayon nga pagtambal.
Si Health Secretary Teodoro Herbosa nagkanayon nga daghang mga Pilipino ang nag-antos tungod sa mahal nga tambal diin usahay hinungdan nga sila makalat-ang og tumar o mohunong sa tambal nga moresulta ngadto sa grabe nga kahimtang sa panglawas.
Ang GAMOT makatabang sa pagwagtang sa mga babag ug pagmenos sa gasto sa tambal sa mga pamilya.
Gisuportahan usab ni Gobernador Pamela Baricuatro ang programa diin nagtuo kini nga makatabang sa pagpahimutang sa serbisyo panglawas padulong sa komunidad ug pagpakunhod sa gasto sa medikal nga serbisyos. Aron maka-avail sa GAMOT, ang mga miyembro kinahanglang magpakonsulta una sa accredited YAKAP clinic aron makakuha og reseta gikan sa YAKAP physician unya ipakita kini uban sa valid ID sa accredited GAMOT provider aron makuha ang tambal.
Pinaagi sa paglusad sa GAMOT sa Central Visayas gitinguha sa PhilHealth ang pagpaubos sa out?of?pocket nga gasto sa panglawas ug pagpalig?on sa preventive care sa komunidad. BDB BANAT NEWS
- Latest
