Direktor sa PRO-7 gipasidunggan
CEBU, Philippines — Ang direktor sa Police Regional Office-7 Police Brigadier General Redrico Maranan gihatagan og PNP Special Service Medal (Medalya ng Pambihirang Paglilingkod) ni PNP Chief Jose Melencio Nartatez, Jr.
Kini isip pag-ila sa outstanding leadership ni Maranan kinsa maoy Task Group Commander atol sa Pista Senyor ug Sinulog Festival nga nahuman nga zero major crime incidents.
Ang Medalya ng Pambihirang Paglilingkod usa sa pinakataas nga komendasyon nga i-award sa PNP National Headquarters ngadto sa personnel nga nagpakita og exceptional service, walay paglubad nga dedikasyon ug operational excellence.
Ug isip task group commander gipangulohan ni Maranan ang komprehensibo, intelligence-driven security plan nga nagsiguro sa kaluwasan sa devotees, turista ug uban pa atol sa largest religious ug cultural gatherings sa nasud.
Ubos sa liderato niini, ang PRO-7 hugot nga nakig-alayon sa Armed Forces of the Philippines, Bureau of Fire Protection, Philippine Coast Guard, local government units, ug ubang law enforcement agencies, force multipliers, ug community partners nga niresulta nga luwas ang Sinulog.
Sa pag-asumir ni Maranan sa command, gipaila-ila sa opisyal ang guiding principle niini nga “Makabagong Pulis sa Makabagong Panahon. Respetado ang Mamamayan, Disiplinado ang Kapulisan”.
Ni-complements kini sa tinguha sa Chief PNP nga “Bagong PNP para sa Bagong Pilipinas".
“I thank the CPNP for this recognition given to PRO7, and most especially to the hardworking men and women of PRO-7 whose dedication, discipline, and teamwork made the peaceful and successful conduct of Sinulog possible. This award belongs to every police officer and partner who stood on the frontlines to serve and protect", matud ni Maranan. (BANAT NEWS)
- Latest
