SSS niumol og task force alang sa naapektohan sa Binaliw trash slide
CEBU, Philippines — Ang Social Security System (SSS) niumol og dedicated task force aron sa pagsuporta sa mga apektado nga trabahante ug pamilya sa nahitabong Binaliw trash slide sa Barangay Binaliw, Dakbayan sa Sugbo sa nilabay’ng buwan.
Kini ang gipahibalo ni SSS Visayas Central 1 Division Concurrent Acting Head Engineer Alieta Basubas atol sa ilang tigom uban sa mga representante sa Prime Waste Solution Cebu.
Ang pagtabang sa SSS ngadto sa mga apektadong trabahante ug pamilya alang sa pagproseso sa ilang benefit claims nga maoy nag-una nga priority.
Ang mga apektado nga trabahante ug ilang beneficiaries maka-qualify sa ilang sickness, disability, ug death benefits, lakip ang Employees’ Compensation (EC) benefits.
Ang SSS nipadangat sa ilang pahasubo ngadto sa mga pamilya nga naapektohan.
Gipadayag ni Basubas nga ang ilang prayoridad karon nga masiguro nga adunay coordination og compassionate assistance ngadto sa mga biktima ug sa ilang pamilya.
Si Basubas niawhag sa tanang mga apektado nga trabahante o beneficiaries nga makig-alayon sa ilang employer o modirekta sa SSS aron dali nga maproseso o mapagawas ang ilang benefits.
Ang SSS Task Force nakaasistar na og tulo ka pamilya sa deceased victims ug hangtud niining pagtaho diin 11 na ka claimants ang ilang natabangan ug nidasig sa wala pa makalihok nga claimants sa pagproseso na usab niini. (BANAT NEWS)
- Latest
